• Inici
• [ca]
• [es]
• [eu]
• [en]
• [fr]
• [de]
• [it]

• Quen somos
• Órganos de goberno
• Áreas e servizos: directorio
• Modelo da cooperación

Saúdo do Presidente

Benvidos e benvidas ao noso portal.

A Deputación de Barcelona foi, é e ten a vontade de seguir sendo un referente do municipalismo en Cataluña e en España. Estou convencido de que o goberno local é a mellor garantía da calidade de vida e o desenvolvemento social e económico. Por iso, a defensa da autonomía local e do principio de subsidiariedade orienta en todo momento as políticas e o traballo do meu goberno.

Os gobernos locais de segundo nivel, formados por concelleiros e concelleiras, alcaldes e alcaldesas, actuamos para fortalecer a autoridade dos nosos concellos e sentímonos lexitimados para representar e defender os intereses locais, converténdose en voceiros do mundo local cando faga falta.

A nosa función principal, como administración local intermedia, é: asegurar a axeitada prestación dos servizos de competencia municipal garantindo un alto nivel de calidade e a igualdade de acceso para toda a cidadanía; que calquera cidadán ou cidadá, independentemente das dimensións e capacidade do seu concello, reciba os mesmos servizos de calidade.

Os gobernos locais desenvolvemos o noso labor diario nun contexto cambiante e complexo, afrontando o impacto local de fenómenos globais. Ante estes novos retos, nós queremos ser a resposta. Coido que a Deputación goza dunha escala territorial e temporal óptima para actuar cunha visión estratéxica do territorio, e tamén que a nosa experiencia acumulada nos permitirá xerar e impulsar as novas políticas públicas locais necesarias.

Fixemos todo isto, e seguiremos facéndoo, traballando conxuntamente cos concellos. O noso trazo característico é o traballo en rede e a concertación, que nos permitiu profundar no aproveitamento das economías de escala, a xeración de sinerxías, a optimización de recursos compartidos e o impulso dunha visión común do territorio.

Espero que este portal sexa unha ferramenta para que nos coñezan mellor, e que nos axude a afrontar de forma máis eficiente e próxima estes novos retos.

Antoni Fogué Moya
Presidente da Deputación de Barcelona