| | | |

• Inici
• [ca]
• [es]
• [eu]
• [en]
• [fr]
• [de]
• [it]

• Quen somos
• Órganos de goberno
• Áreas e servizos: directorio
• Modelo da cooperación

O modelo de cooperación da Deputación de Barcelona: a Rede Barcelona Municipios de Calidade

A rede de municipios que é actualmente a Deputación de Barcelona supón un cambio no xeito de traballar e de relacionarse cos concellos da provincia.

A Rede Barcelona Municipios de Calidade (en adiante XBMQ) convértese nunha das apostas máis importantes da corporación no relativo á utilización do traballo en rede no seu apoio aos concellos.

O valor da concertación cos concellos

A XBMQ é un modelo de cooperación áxil, racional e eficiente, baseado na concertación e o diálogo que se artella ao redor dun convenio marco que establece os obxectivos e a metodoloxía de traballo dos diferentes actores que a integran: o Protocolo Xeral Rede Barcelona Municipios de Calidade [castellano, en formato pdf, 414 Kb].

O proceso da concertación cos entes locais faise a través de tres etapas paralelas ao modelo clásico de análise de políticas públicas.

A través da adhesión ao Protocolo Xeral, os entes locais e a Deputación de Barcelona comparten uns obxectivos políticos comúns e unhas regras de xogo determinadas.

A partir de aquí, mediante o Rexistro de Necesidades, os entes locais e a Deputación expresan as necesidades e prioridades de intervencións no territorio no escenario temporal dun mandato. Este Rexistro de Necesidades convértese, deste xeito, nun observatorio territorial das necesidades da provincia.

Logo de analizadas estas accións fanse as Mesas de Concertación, que plasman a vontade política de ambas as dúas partes concretando as actuacións que se desenvolverán conxuntamente durante o mandato. Para a realización destes acordos políticos, a Deputación traballa ofrecendo apoio integral ás políticas públicas locais: apoio financeiro, técnico, directamente dos seus recursos humanos e tecnolóxicos. Este apoio resulta determinante para optimizar os recursos, xerar economías de escala e garantir o reequilibrio territorial, sempre atendendo as necesidades que presenta cada municipio.

Para pechar o ciclo das políticas públicas, a Deputación avalía as accións que leva a cabo no territorio mediante o Observatorio de Políticas Públicas, que permite mellorar de contino a Rede Barcelona Municipios de Calidade.